الكورس الأقوى لتعلم الإنجليزية Effortless English

الكورس الأقوى لتعلم الإنجليزية Effortless English

طريقة الدراسة

• اقرأ النص، متحاولش تحفظه، طلع الكلمات الجديدة و ترجمها، واقرأ النص مرتين أو أكثر
  
  

• اسمع مقطع النص أكثر من مرة Audio
  
  

• اسمع مقطع الكلمات أكثر من مرة Vocab
  
  

• استمع لمقطع القصة القصيرة MS، وتجاوب الاسئلة اللي في المقطع، وهذا المقطع هو أهم مقطع لإنه يخليك تفكر بالإنجليزي
  
  

• استمع كل يوم وأكثر من مرة لمقطع Audio لمدة أسبوع حتى تفهمه 100%
  
  

_______________________________________

كيف تحسن الإستماع ؟

اللي مستواه مبتدئ :

• هتقرأ و تسمع الاتنين مع بعض
  
  

• افتح الملفات كلها مع بعض
  
  

• اشتغل على المحادثة و الكتابة و الترجمة علشان دا هيساعدك على الربط بين المحادثة و الكلمات و المعنى
  
  

____________

اللي مستواه متوسط :

• اقرأ النص الاول و بعدين اسمع الصوت
  
  

• هتبص بصة سريعة كدا على النص
  
  

• هتسمع المحادثة بقى
  
  

• بعدين هترجع للنص و تشتغل على الترجمة
  
  

____________

اللي مستواه متقدم :

• اسمع و بعدين اقرأ لتختبر نفسك إن عندك ثقة أكبر للفهم
  
  

• اسمع مرة أو أكثر و بعدين ارجع للنص الأصلي و الترجمة علشان تعرف اللي مفهمتوش من المحادثة
  
  

_______________________________________

ملحوووووووظات هامة

1- انتا هتلاقي الكورس كله عبارة عن صوتيات و ملفات تكست و بعض الفيديوهات نركز شوية بقى مع بعض كدا فيه فيديوهات للراجل دا على النت لكن هيا موجودة في الكورس هنا صوت بس طيب مجيبتش الفيديوهات ليه ؟؟ لأن الفيديو ما هوا إلا عبارة عن إنه واقف قدامك و بيتكلم مافيش حتى اي حاجة بتتكتب و لا بيشرح حاجة فكل الفكرة إنه عامل زي الصوت اللي راكب عليه صورة الراجل اللي بيشرح دا و هيزود في حجم الملف و خلاص و الله و الله و الله مافيه اي فرق عن الصوت ... و كذلك دا موجود بس في اول فولدر بس يعني اللي هوا موجود صوت و فيديو هوا اول فيديو بس اللي هوا بيشرح الـ 7 قواعد لتعلم الإنجليزية لكن الباقي كله هوا صوت و هوا معمول صوت مافيش منه أصلا فيديو


2- في المستويات هتلاقي الملف التكست معاه 4 ساوندات هتلاقيها بالأسامي دي مثلاً اسم الملف E_M_A هتلاقي الصوتيات باسم

• E_M_A _ MAIN ::: دا مقطع الصوت بتاع التكست المكتوب
  
  
• E_M_A _ VOCAB ::: دا مقطع الصوت بتاع الكلمات اللي في النص
  
  
• E_M_A _ MS ::: دا مقطع القصة القصيرة اللي هتسمعها و هيسألك عليها علشان تختبر مدى قدرة سماعك و فهمك
  
  
• E_M_A _ POV ::: دا مقطع هيحكيلك القصة في أزمنة مختلفة بحيث تتقن معاه الجرامر كمان و تقدر تعبر في أي زمن " ماضي أو مضارع و هكذا "و دا مش موجود في كل المستويات
  
  

و دول كلهم يا كبير معاهم ملف تكست خاص بيهم فركز في وظيفة كل وااااااااااااحد 



3- أقسم بالله أقسم بالله اللي هيذاكر الكورس كويس زي ما أنا كاتب كدا و الله ليفرق معاه في الانجليش كتيييييييييييييييير و هيعلمك الكلمات و الجرامر و ازاي تتكلم من غير ما تفكر زي العربي و ازاي متقولش كل ما تتكلم ااااااه ااااااه دي ذاكرووووووووووا كويس بالله عليكم و انقل الصوتيات على موبايلك و هاندفري حقيرة بـ 10 جنيه اشتغل عليها في مواصلاتك بدل الأغاني و خلال 5 شهور تعالى هنا و ادعيلي و هات حساب الكورس


_______________________________________



التحميل [url=http://myegy.win/apps/windows/2152/%D8%A7%D9%84%D9%83%D9%88%D8%B1%D8%B3 %D8%A7%D9%84%D8%A3%D9%82%D9%88%D9%89 %D9%84%D8%AA%D8%B9%D9%84%D9%85 %D8%A7%D9%84%D8%A5%D9%86%D8%AC%D9%84%D9%8A%D8%B2%D9%8A%D8%A9 Effortless English]من هنا[/url]